O‘zbekiston Respublikasi Prezidentining 2026-yil 25-iyundagi “O‘zbekiston Respublikasi Mustaqilligining 35 yilligi” esdalik nishonini ta’sis etish to‘g‘risidagi Farmoniga muvofiq, Markazning bir qator xodimlari O‘zbekiston Respublikasi Davlat aktivlarini boshqarish agentligi rahbariyati tomonidan tantanali ravishda “O‘zbekiston Respublikasi Mustaqilligining 35 yilligi” esdalik nishoni bilan taqdirlandilar.

Taqdirlanganlar qatorida Markazning ilmiy faoliyat va innovatsiyalar bo‘yicha direktor o‘rinbosari Ashurov Zufar Abdulloyevich, Baholash va rieltorlik faoliyatini tartibga solishning ilmiy-metodologik asoslarini rivojlantirish bo‘limi mudiri Kravchenko Aleksandr Nikolaevich, kadrlar bo‘yicha mutaxassis Yo‘ldasheva Muqaddas Mirsaliyevna, moddiy-texnik ta’minot bo‘yicha mutaxassis Begaliyev Eshpulat Urokboyevich bor.

“O‘zbekiston Respublikasi Mustaqilligining 35 yilligi” esdalik nishoni yurtdoshlarimizga quyidagi xizmatlari uchun topshiriladi:

• fidokorona mehnati va yuksak kasbiy mahorati uchun;

• davlat suvereniteti va iqtisodiy qudratini mustahkamlashga qo‘shgan hissasi uchun;

• jahon miqyosida respublikaning xalqaro nufuzi va imijini yuksaltirishga qo‘shgan hissasi uchun;

• mamlakat ijtimoiy hayotidagi faol ishtiroki hamda yoshlarni Vatanga muhabbat ruhida tarbiyalashdagi xizmatlari uchun.

Markaz jamoasi hamkasblarimizni ushbu esdalik nishoni bilan taqdirlanganlari bilan muborakbod etadi hamda ularga mustahkam sog‘liq, farovonlik va ilmiy hamda kasbiy faoliyatlarida kelgusida ham ulkan muvaffaqiyatlar tilaydi.