Xususiylashtirish va davlat aktivlarini boshqarish muammolarini tadqiq etish markazi faoliyatining ilk kunlaridanoq respublikadagi professional jamoat birlashmalari, xususan, O‘zbekiston Sud boshqaruvchilari assotsiatsiyasi bilan yaqin hamkorlikni yo‘lga qo‘ydi.

Ikki tashkilotning hamkorligi natijasida O‘zbekiston Respublikasi Prezidentining 2026-yil 6-maydagi PF-78-son Farmoniga muvofiq O‘zbekiston Sud boshqaruvchilari assotsiatsiyasi negizida tashkil etilayotgan O‘zbekiston Sud boshqaruvchilari palatasi faoliyatini tartibga soluvchi hujjatlar loyihalari ishlab chiqildi.

Mazkur hamkorlik doirasida Markaz va O‘zbekiston Sud boshqaruvchilari assotsiatsiyasi tomonidan «O‘zbekiston Sud boshqaruvchilari palatasi ustavi», «O‘zbekiston Sud boshqaruvchilari palatasi a’zolari to‘g‘risidagi nizom», «O‘zbekiston Sud boshqaruvchilari palatasi konferensiyasi to‘g‘risidagi nizom», shuningdek «Sud boshqaruvchilarining kasb etikasi qoidalari» loyihalari tayyorlandi.

Mazkur hujjatlar loyihalarini tayyorlash jarayonida ilg‘or xorijiy tajribalar o‘rganildi va qo‘llanildi, shuningdek sud boshqaruvchilari institutini rivojlantirishning zamonaviy xalqaro tendensiyalari inobatga olindi.

Bajarilgan ishlarning amaliy ahamiyati Markaz tomonidan mazkur masalalar bo‘yicha olingan ilmiy ishlanmalarni joriy etish to‘g‘risidagi ma’lumotnomalar bilan tasdiqlanadi.